سياسة الخصوصية

في Lovelyy بنعتبر خصوصيتك وخصوصية ذكرياتك أهم حاجة عندنا. السياسة دي بتوضح البيانات اللي بنجمعها لما تزور موقع lovelyy.app أو تطلب صفحتك، وبنستخدمها إزاي، وإيه حقوقك عليها.

1. البيانات التي نجمعها

عند طلب الخدمة

لما تتواصل معنا على واتساب علشان تطلب صفحتك، بنحصل على:

• الاسم
• رقم الموبايل
• إيصال أو صورة التحويل لتأكيد الدفع

محتوى صفحتك

• إنت اللي بتضيف محتوى صفحتك بنفسك من صفحة التعديل الخاصة بيك.
• تقدر تغيّر باسورد صفحتك وباسورد صفحة التعديل في أي وقت، ولما تغيّر باسورد صفحة التعديل أي جهاز تاني كان داخل بيخرج تلقائياً.
• محدش يقدر يدخل صفحة التعديل غير اللي معاه اللينك والباسورد.

بيانات تقنية تُجمع تلقائياً

• عنوان الـIP، ونستخدمه لحماية الصفحات من محاولات تخمين كلمة المرور.
• ملف تعريف ارتباط (كوكي) ضروري لتسجيل الدخول.
• بيانات استخدام عامة، زي الصفحات اللي اتزارت ونوع المتصفح والجهاز، عن طريق Google Analytics علشان نحسّن الموقع.

2. كيف نستخدم بياناتك

• التواصل معك بخصوص طلبك أو أي تعديل عليه.
• الرد على استفساراتك ودعمك فنياً.
• حماية الصفحات من الدخول غير المصرح به.

3. خصوصية صفحتك

• كل صفحة محمية بلينك خاص وكلمة مرور، ومحدش يقدر يشوفها غير اللي إنت بتديله اللينك والباسورد.
• بنطلب من محركات البحث إنها ما تعرضش صفحتك في نتايجها.
• كلمات المرور محفوظة بشكل مشفّر.

بنعمل اللي علينا علشان نحمي بياناتك، لكن مفيش نظام على الإنترنت آمن بنسبة 100%، فحافظ على اللينك والباسورد بتوعك ومتشاركهمش غير مع اللي تثق فيهم.

4. الدفع

الدفع بيتم عن طريق فودافون كاش أو إنستاباي، أو PayPal للعملاء من خارج مصر. عملية الدفع كلها بتتم خارج موقعنا.

5. مشاركة البيانات

لا نبيع بياناتك ولا نؤجرها ولا نشاركها مع أي طرف لأغراض تسويقية.

بنستعين بمقدمي خدمات موثوقين في الاستضافة والتخزين السحابي وقواعد البيانات علشان نشغّل الموقع ونحفظ محتوى صفحتك، والجهات دي بتتعامل مع البيانات فقط لتقديم الخدمة لنا. كما نستخدم Google Analytics لتحليل زيارات الموقع.

6. ملفات تعريف الارتباط (الكوكيز)

• كوكي ضرورية: لتسجيل دخولك لصفحتك أو لصفحة التعديل. بتنتهي بقفل المتصفح أو بعد ساعات قليلة كحد أقصى، ومن غيرها مش هتقدر تدخل صفحتك.
• كوكيز Google Analytics: لقياس عدد الزيارات وطريقة استخدام الموقع.

تقدر توقف الكوكيز من إعدادات متصفحك، أو توقف Google Analytics تحديداً من خلال إضافة إيقاف Google Analytics.

7. مدة الاحتفاظ بالبيانات وحذفها

محتوى صفحتك يفضل محفوظاً طول ما الخدمة مستمرة، لحد ما تطلب حذفه. وعند الحذف بنمسح الصفحة والصور والفيديوهات المرتبطة بيها.

8. المحتوى الخاص بأشخاص آخرين

لما تضيف صور أو بيانات تخص شخصاً آخر، زي شريكك أو أصدقائك، إنت بتؤكد إن عندك موافقته على ذلك.

9. حقوقك

من حقك:

• تعرف البيانات اللي محفوظة عندنا عنك.
• تطلب تصحيح أي بيانات غير دقيقة.
• تطلب حذف صفحتك وبياناتك.

لممارسة أي حق من دول، تواصل معنا على واتساب: 01033172710.

10. التعديلات على هذه السياسة

ممكن نحدّث السياسة دي من وقت للتاني. أي تعديل هيتنشر في الصفحة دي مع تحديث تاريخ "آخر تحديث".